امبارح فى ساعة تجلى بعد الفجر
جت الكلمات ديه فى دماغى بعد ماكنت خلاص بنام :डी
فمعلش لو لقيتوا فيها هلوسة ولخبطة ^^
~
عاوزة أطير
فوق البحر مع العصافير
أطلع فوق فوق فوق
أنزل تانى
أمشى براحتى
من غير حزن مكبل قلبى
من غير سلبية إحباط
حتى من غير تفكير
مش فارقة كتير !
عاوزة أسافر
عند الكعبة عند الحرم المكى
عند نبينا
أركع وأسجد وأدعى
وأقول
يارب ساعدننى
يارب اغفرلى وامسح ذنبى
عاوزة أنام
من غير أرق
يصدع راسى
عاوزة أعيش جوا احلامى
وماصحاش !
عاوزة كون قد اسلامى
قد نقابى
قد الحمل اللى فوق راسى
ومعلنش فى يوم
فشلى
وإستسلامى
عاوزة وعاوزة وعاوزة وعاوزة
بس أحلام
يمكن يوم أقدر احققها
أو ممكن تفضل ع الورقة
محدش عارف
مش فارقة كتير !
تفائل حلو يا رحمه
ردحذفبس بلاش الطيران فوق البحر ^^ لتحقيق اقل خسائر ^^
طيرى زى ما انت عاوزه مفيش حاجه تستاهل الاكتئاب و الحزن
المسلم امره كله خير :)
منورانى دايماً يا وردتى <3
ردحذفههههههههه معلش أصل البحر وحشنى أوووووووى فنفسى أشوفه بقى وأطير فوقيه :d
يب يب ولا حد يستاهل كمان
الحمدلله على كل حال
ربنا يحفظك ويعزك يا وردتى <3