Chocolate Cake

امممممم همممممممممم >> مش عارفة تقول ايه
أخباركم يا حلوين ؟ إن شاء الله بخير وسعادة يارب
طبعاً تم توريطى أنا بعد ما الآنسة مينونة - شفاها الله وعافاها - هربت ض1
وبعد محايلات ومحادثات طووويلة >> ياكذابة
وافقت أنا - حفظنى الله ورعانى -
وبما انه كمان كان اللى قبلى مجدرة وكشرى فقلنا نخليها المرة ديه حلويات ^^
طبعاً الطريقة كنا شفناها ع منتدى تانى - عضوة اسمها أم مريم -
"حفظ الحقوق "
بس حقيقة من أجمممل ما يكون لدرجة انى بعملها وتخلص فى نفس اليوم - طبعا ده عشان انا اللى عملاها تسلم ايدى ض1 -
ومن ساعة اما عرفنا الطريقة وكل شوية يخلونى اعملها >>لغاية لما زهقت :/
طريقة سهلة وبسيطة ولذيذة وحلوة ويمكن للجميع تجربتها صغار وكبار رجال ونساء والجميييع ^^
>> خلاص كفاية رغى وندخل ع المووهم



* الوصفة بتنقسم لجزئين
جزء الأول صوص الشوكلت وبناخد منه جزء للكيك نفسها
والجزء التانى الكيكة عادى
* المقادير اللى بنعملها بتعمل 15 قطعة >>صينية متوسطة ..

المقادير :
- كوب زيت
- كوب سكر
- كوب لبن
- كوب كاكاو خام " أنا بجيب أكياس نسكويك عادى "
- 3 ملاعق كبيرة لبن بودرة " إن وجد مش شرط يعنى "
كيس فانيليا


~
نضع كل المكونات ونضربهم مع بعض



نأخذ نصف كمية الخليط ونضعه فى الفريزر
ونترك النصف الآخر
* كده انتهى الجزء الأول



المقادير :
2 كوب دقيق
1 كوب سكر
5 بيضات
3 ملاعق سمنة
ملعقة ونصف كبيرة بيكنج بودر
كيس فانيليا
بقية الخليط الذى قمنا بإعداده فى الجزء الأول ..
~
الطريقة :
* ممكن تعملوا بمضرب البيض لكن أنا بستسهل وبعمله فى الخلاط
بنضيف البيض + السمنة + الفانيليا + السكر على بقية الخليط اللى فوق "بتاع الجزء الأول "
ونضربهم لحتى يكونوا سائل ..
* نحضر وعاء ونضع فيه الدقيق وعليه البيكنج بودر



ونحضر السائل ونقوم بصبه ع الخليط تدريجياً مع التقليب ويجب أن يكون " التقليب " فى اتجاه واحد



ونستمر بالتقليب حتى ينتهى السائل ويختلط جيداً بالدقيق



نحضر صينية متوسطة الحجم
ونضع ملعقة سمنة ونفردها ع الصينية وع الجوانب ثم نرش بعض الدقيق



نصب الخليط فى الصينية



ونضعها فى الفرن
~
تستغرق الكيك حوالى بأكثر تقدير 30 دقيقة فى الفرن
~
نخرجها من الفرن



ونقلبها فى صينية أخرى



نقوم بقسمها من النصف حتى نضع بعض السائل بداخلها " اللى حطيناه فى الفريزر "



ثم نضع النصف الاخر فوقها ونضع عليه بقية السائل "نضع كمية قليلة فى النصف والكمية الأكثر فوق "



نقوم بتقطيعها
ونضعها فى طبق التقديم ويفضل وضعها فى الثلاجة لبعض الوقت أو أكلها ساخنة " يرجع لكم ;) "


>> هذى الصينية لسجدة شكر أنا وعدتها ض1

وهذه القطعة لأول رد فى الموضوع ض1





* قبل وضع الكيك نسخن الفرن قبلها بعشر دقايق ع حرارة عالية بعدين لما نحط الكيك نقلل الحرارة " متوسط 160 ،180 درجة "
~
* لنعرف هل نضجت الكيك أو لا ندخل طرف السكين فيها إن خرجت نظيفة تماماً فهى جاهزة وإلا نتركها لبعض الوقت
~
* لا يتم أبداً فتح الفرن قبل مرور ع الأقل 15 دقيقة
~
* بعد الانتهاء ماتخرجوش والمطبخ كأن دخله اعصار حرام عليكوا اللى بنضفوا بعديكو > عندها عقدة
~
* طبعاً لا تنسوا التسمية قبل أى شئ
~
لو افتكرت حاجة تانية هضيفها


الحمدلله أولاً وأخيراً طبعاً
ثم الشكر موصول لى لقبولى بهذه التوريطة ولعمل تلك الوصفة اللذيذة وللتصوير ولتصميم الفواصل ثم التعديل وتظبيط الصور ثم تنسيق الموضوع ثم غسل المواعين وتنظيف المطبخ وعمل الغدا بالمرة